Ушбу рўйхатда шу ёз Netflix стриминг платформасида намойиш этилаётган фильм ва телесериаллар мавжуд. Улар орасида турли жанрдаги асарлар — драмадан тортиб илмий фантастика ва даҳшатли фильмларгача бор.
“Ажойиб ўйин”
Собиқ ёшлар футбол мураббийи Мел машғулот пайтида ота-оналар ўртасидаги можаронинг олдини олади. Бредли йигитни уйсизлар учун жаҳон футбол турнирига тайёргарлик кўраётган жамоаси билан таништиради, лекин Винни бундан ҳафсаласи пир бўлиб, у бу тадбир мен учун эмас деб кетади. Бир оз вақт ўтгач, мураббий Винни машинада яшашини билиб олади ва унга телефон рақамини қолдиради. Ўша дақиқадан катта муваффақиятларга эриша оладиган ва ўзининг энг зўр эканлигини ҳаммага исботлай оладиган ёш спортчининг ҳаёти тубдан ўзгаради.
“Swееt Tooth: буғу шохли бола”
Яқинда ушбу сериалнинг 8 қисмдан иборат учинчи фасли чиқди. Кўринишидан, бу якунланган сюжетли сўнгги мавсум.
Бу мавсумда шохли бола Гаснинг ҳаяжонли саргузашти давом этади. У ҳали ҳам дунё бўйлаб саёҳат қилади, ўзига нисбатан тушунмовчилик ва адолатсизликларга дуч келади. У яна ўзини ва янги дўстларини ҳимоя қилиши, ўтмиш сирларини очиб бериши ва яна кўп нарсалар қилишига тўғри келади.
Биринчи фасл дунёни номаълум вирус ютиб юбориши билан бошланади. Вирус сабаб кўп одамлар ҳалок бўлди ва одамлар ҳайвонларнинг тана аъзолари билан туғилади.
“Париждаги акулалар”
Бу Париж қиёфасини ғайриоддий томондан очиб берадиган француз фильми. Айтиш мумкинки, бу “Жағлар” фильмининг французча версияси.
Фильм сюжети чучук сувдаги ҳаётга мослашган ва Париж сув каналларида яшовчи одамлар ҳамда хавфли акулалар ўртасидаги қарама-қаршиликка қаратилган. Бир гуруҳ олимлар маҳаллий полиция билан биргаликда мутацияга учраган акулалар фаол кўпайиши ва шаҳар аҳолисига жиддий хавф туғдиришдан олдин уларни тўхтатиши керак.
“Суперген”
Бу супер кучга эга одамлар ҳақидаги олти қисмдан иборат энг янги сериал.
Сериалда тасодифан уларга супер куч берувчи махсус генни мерос қилиб олган бир гуруҳ нотаниш одамлар ҳақида ҳикоя қилинади. Суперқаҳрамон бўлиш ажойиб, аммо супер кучга эга бўлганларни таъқиб қиладиганлар талайгина. Энди улар суперқаҳрамонлар устида тажриба ўтказаётган олимлар билан тўқнаш келиши керак.
“Ўлимимдан бир йил олдин сени учратдим”
Бу икки ёш — Акито ва Харуна ҳақида ҳикоя қилувчи япон драмаси. Улар тузалмас касалликка чалинган ва бир йилдан камроқ умри қолган. Акито ўзига қўйилган ташхисни кутилмаганда билиб қолади ва клиникага боришга қарор қилади. У ерда Ҳаруна билан учрашади. Қизга ҳам худди шундай ташхис қўйилган, аммо олти ойдан камроқ умри қолган. Шунга қарамай улар ўртасида ишқий муносабатлар пайдо бўлиб, у ҳақиқий севгига айланади. Бироқ Акито касаллигини Ҳарунадан сир сақлашга қарор қилади, севгилиси унинг аҳволи ҳақида қайғуришини хоҳламайди.
“Беверли Ҳиллс полицияси: Аксел Фоули”
Ушбу жиноий триллер 80 йиллардаги детектив ҳақида ҳикоя қилади, у ҳали ҳам инсофсиз, хоин полициячиларни ушлашда давом этмоқда.
Тўртинчи қисмда Аксел Фоули иши қизи томонидан олиб борилаётган бегуноҳ одамни оқлаши керак бўлади. Бундан ташқари, у қизи билан муносабатларини яхшилаши керак. Улар кучларни бирлаштиргандагина жиноятчиларни енгиши ва порахўр полициячиларни фош этишлари мумкин бўлади.
“Оилавий иш”
Ёш ва тиниб-тинчимас Зара машҳур юлдуз Крис Коулнинг шахсий ёрдамчиси, унинг саъй-ҳаракатлари етарлича баҳоланмаганидан чарчаган. Қиз ҳар доим раҳбарини қўллаб-қувватлашга тайёр, ҳатто у аёли билан ажрашганида ҳам, аммо эркак унинг иш ҳақидаги маслаҳатларини эътиборсиз қолдиради. Мисол учун, даҳшатли фильм сценарийсини қайта ёзиш учун бошқа сценарийнависни ёллаш таклифига эътибор ҳам қаратмайди. Крис ҳаддан ошганда Заранинг сабри тугайди — энди у янги иш топишга қарор қилади.
Изоҳ (0)