1997 йилда суратга олинган машҳур “Титаник” фильмидаги Роуз Дьюитт Бьюкейтер (Кейт Уинслет) кийган пальто аукционда юқори нархга сотилиши кутилмоқда. Бу ҳақда Daily Mail’га асосланиб “оху.аz” хабар берди.
“Чўкаётган пальто” деб номланувчи реквизит “Кўнгилочар лойиҳалардаги эсдалик буюмлар” номли йирик аукционда 125 000 дан 250 000 долларгача нархда сотилиши мумкин. Тадбир PropStore компанияси томонидан ташкиллаштирилиб, 15—18 август кунлари бўлиб ўтади.
Роуз биринчи марта ушбу пальтодаги образида кема айсберг билан тўқнашганидан сўнг пайдо бўлади. Айнан шу кадрларда Томас Эндрюснинг архитектори Роузга “Титаник” бир соат ичида чўкиб, Атлантика океани тубига тушиши ҳақида хабар беради. Ушбу пальтода Роуз онаси ва Кел исмли қаҳрамон билан қутқарув қайиғига чиқишга тараддуд кўради.
Қайд этилишича, пальто дизайнерлари суратга олиш учун кийимни бир неча марта қайта яратишга мажбур бўлган, чунки пальто сувга тушиб кетаверган. Бу вақтда эса бир нечта саҳналарни суратга олиш керак бўлган.
Мазкур пушти ва қора гулли пальтонинг иккита версияси илгари турли аукционларда сотилган: биринчиси 2019 йилда GWS аукционида 270 минг долларга, иккинчиси 2023 йилда Goldin аукционида 110 минг долларга сотилган.
Изоҳ (0)