2024 йил 20 июль куни ўзбек томошабинларига “Беқарор” сериали орқали таниш бўлган машҳур турк актёри Акин Акинўзунинг онаси Ўзлем Акинўзу саратон сабаб вафот этди. У атиги 59 ёшда эди.
Фожиали хабарни эшитган туркиялик актёрнинг мухлислари унга ҳамдардлик билдиришмоқда. Куни кеча Акин Акинўзунинг ўзи ижтимоий тармоқларда пост эълон қилиб, вафот этган онасига мурожаат қилди.
“Мен ишончимни йўқотдим, шартсиз севгимни йўқотдим. Беғуборлигимни йўқотдим. Умидимни йўқотдим. Мақсадимни йўқотдим. Йўлимни йўқотдим. Курашиш учун иродамни йўқотдим. Ўтмишимни йўқотдим. Орзуларимни йўқотдим. Уйимни йўқотдим. Қаҳрамонимни йўқотдим. Болалигимни йўқотдим. Фариштамни йўқотдим. Биринчи ҳақиқий муҳаббатимни йўқотдим. Сизни йўқотганим учун... Бундан буён мен учун ҳаёт доим аччиқ ва бир кам бўлиб қолади... Фақат сизга бўлган чексиз соғинч қолади. Ўғлингиз”, деган актёр постида.
Аввалроқ Акин Акинозу ота-онаси ҳаётидаги энг яқин одамлари эканлигини бир неча бор айтганди. Актёр, айниқса, онаси билан жуда яқин бўлган. Онасининг ўлими унга ҳақиқий зарба бўлди.
Изоҳ (0)