Farg‘onada prezident bilan suhbatlashgan abituriyent qiz grant asosida o‘qishga qabul qilindi (video)

Prezident Shavkat Mirziyoyev Farg‘ona shahrida qurilayotgan Yangi O‘zbekiston massivini borib ko‘rgan edi. 

Davlat rahbari mazkur hududda yashovchi abituriyent Madina Soliyeva bilan suhbatlashgan edi. Madina Soliyeva imtihonlarga tayyorlanayotganini, Jahon tillari universitetiga hujjat topshirganini aytgan. 

“Ilohim, baxtingizni, yaxshi o‘qishlaringizni eshitib, men xursand bo‘lay”, degan Shavkat Mirziyoyev. 

Shundan so‘ng qizning oldiga universitet rektori bilan birga Oliy taʼlim vazirligi vakillari borib, unga grant asosida “Filologiya va til o‘qitish: rus tili” yo‘nalishi bo‘yicha universitetga o‘qishga kirgani to‘g‘risidagi guvohnomani tantanali topshirdi.