“Hozirgi kunda o‘ta og‘ir vazn toifasida aynan Olimpiya boksida Bahodir Jalolovdan kuchli bokschini bilmayman, to‘g‘risi.
O‘z-o‘ziga yutqazmasa, menimcha, hech kimning kuchi yetmaydi. O‘z-o‘ziga yutqazmasligi uchun maksimal yondashishi kerak, maksimal tayyorgarlik bilan borishi kerak. U esa professional. O‘ylayman-ki, 100 foiz imkoniyat bilan ringga chiqadi. Nasib qilsa, hech qanday jarohatlarsiz turnirni o‘tkazsa, uni hech kim to‘xtata olmaydi”, dedi Davron Fayziyev “Olamsport.com” muxbiri bilan suhbatda.
Ma’lumot uchun, 29 yoshli Bahodir Jalolov 2020-yili Tokio (Yaponiya)da bo‘lib o‘tgan Olimpiada chempioni hisoblanadi. O‘zbekistonlik bokschi 2019 va 2023-yillarda Jahon chempioni bo‘lgan. Bundan tashqari, Bahodir 2022-yilgi Osiyo o‘yinlari va uch bora Osiyo chempioni bo‘ldi. Jalolov professional ringda 14 ta jang o‘tkazib, ularning barchasida muddatidan avval g‘alaba qozongan.
Izoh (0)