Бухоро вилоятида ғалладан бўшаган ер майдонларида сомон қолдиқларини ёққанлар 40 миллион сўмдан ортиқ жаримага тортилди.
Вилоят Экология бошқармасининг қайд этишича, ҳудудларда доимий равишда ғалладан бўшаган ер майдонларида сомон қолдиқларини ёқмаслик бўйича тарғибот тадбирлари олиб борилишига қарамасдан фермер хўжаликлари томонидан сомон пояларини ёқиш ҳолатлари кузатилмоқда.
Ушбу ҳолатларни бартараф этиш мақсадида олиб борилган назорат рейд тадбирлари давомида, Бухоро вилоятида ғалладан бўшаган ер майдонларида сомон қолдиқларини ёқиш билан боғлиқ 10 та ҳолат аниқланиб, 40 674 000 сўм жарима қўлланган.
Вилоят бўйлаб назорат рейд тадбирлари олиб борилмоқда.
Маълумот учун, ғалладан бўшаган ерларда сомон поясини ёқиш деҳқончиликка катта зиён етказади. Бу тупроқдаги микроорганизмлар, фойдали ҳашаротларнинг нобуд бўлишига, атроф-муҳит ва ҳавонинг ифлосланишига олиб келади.
Изоҳ (0)