Buxoroda g‘alladan bo‘shagan yerlarda somon qoldiqlarini yoqqanlarga 40 mln so‘mdan ortiq jarima qo‘llandi

Buxoro viloyatida g‘alladan bo‘shagan yer maydonlarida somon qoldiqlarini yoqqanlar 40 million so‘mdan ortiq jarimaga tortildi. 

Viloyat Ekologiya boshqarmasining qayd etishicha, hududlarda  doimiy ravishda g‘alladan bo‘shagan yer maydonlarida somon qoldiqlarini yoqmaslik bo‘yicha targ‘ibot tadbirlari olib borilishiga qaramasdan fermer xo‘jaliklari tomonidan somon poyalarini yoqish holatlari kuzatilmoqda. 

Ushbu holatlarni bartaraf etish maqsadida olib borilgan nazorat reyd tadbirlari davomida, Buxoro viloyatida g‘alladan bo‘shagan yer maydonlarida somon qoldiqlarini yoqish bilan bog‘liq 10 ta holat aniqlanib, 40 674 000 so‘m jarima qo‘llangan. 

Viloyat bo‘ylab nazorat reyd tadbirlari olib borilmoqda.

Ma’lumot uchun, g‘alladan bo‘shagan yerlarda somon poyasini yoqish dehqonchilikka katta ziyon yetkazadi. Bu tuproqdagi mikroorganizmlar, foydali hasharotlarning nobud bo‘lishiga, atrof-muhit va havoning ifloslanishiga olib keladi.