“Пахтакор” клуби Отабек Жўрақўзиев ва Иброҳим Ибрагимовнинг трансферини эълон қилди. Бу ҳақда “Пахтакор” клуби матбуот хизмати ўзининг Instagram саҳифасида маълум қилди.
Аввалроқ жамоа “Олимпик” жамоасининг етакчи футболчиларидан бири Абдурауф Бўриев жамоа сафига қўшилганини эълон қилган эди.
Отабек Жўрақўзиев “Олимпик” сафида 11 учрашувда қатнашган. Учрашувларнинг 10 тасини бошланғич таркибда бошлаган футболчи 2 бора рақиблар дарвозасига йўл топган ва бир бор голга ҳаммуаллифлик қилган. Жўрақўзиев амалдаги чемпион сафида 30-рақамда тўп суради.
Иброҳим Ибрагимов ҳам “Олимпик” етакчиларидан ҳисобланади. Учрашувнинг барчасида асосий таркибда бошлаган ярим ҳимоячи 4 бора рақиблар дарвозасини ишғол қилган ва ўйинларда фақат бир бор огоҳлантирилган. Футболчи “Пахтакор” сафида 9-рақамда ҳаракат қилади.
Маълумот учун Иброҳим Ибрагимов Олимпиадага борадиган футболчилар сафидан жой олган.
Изоҳ (0)