Қирғизистонда Афғонистондан келадиган анор экстрактли газли ичимлик воситасини сотиш тақиқланган эди. Санэпидқўмита ахборот хизматининг маълум қилишича, ушбу маҳсулот Ўзбекистонга ҳам олиб кирилган.
Ҳар бир партиялар тегишли лаборатория текширувларидан ўтказилиб келтирилган маҳсулот партиясига санитария-эпидемиологик хулосалар берилган. Келтирилган маҳсулотлар таркибида заҳарли ёки инсон саломатлиги зарар келтирувчи моддалар аниқланмаган, дейилади хабарда.
Қўшимча қилинишича, ҳозирда Афғонистонда ишлаб чиқарилган анор таъмли маҳсулотлардан қайта намуналар олиниб, назорат тартибида лаборатория текширувлари олиб борилмоқда.
“Бугунги кунга қадар аҳоли томонидан айнан ушбу маҳсулотнинг сифатсизлиги ва истеъмол қилиш оқибатида заҳарланганлиги тўғрисида мурожаат келиб тушмаган”, дейилади хабарда.
Изоҳ (0)