“Ташаббусли бюджет” жараёнининг 2024 йилги II мавсумига 6 июлдан старт берилади. Бу ҳақда Иқтисодиёт ва молия вазирлиги матбуот хизмати хабар берди.
Бунда:
- лойиҳалар киритиш 6–26 июль;
- лойиҳаларни саралаш 26 июль–15 август;
- тарғибот қилиш 15–22 август;
- овоз бериш 22 август–1 сентябрь кунлари давомида ўтказилади.
Ушбу мавсум учун туман ва шаҳар бюджетлари ҳисобидан 2 триллион сўмдан ортиқ маблағ йўналтирилади. Жорий йилда лойиҳаларнинг энг юқори қиймати 1 миллиард 360 миллион сўмни ташкил этади.
“Ташаббусли бюджет” жараёнининг 2024 йилдаги 1-мавсуми ғолиб лойиҳалари апрель ойида эълон қилинганди. Республика бўйлаб 2 254 та маҳалла бўйича жами 2 770 та лойиҳа ғолиб деб топилди. Ушбу лойиҳаларни молиялаштириш учун маҳаллий бюджет маблағлари ҳисобидан 3,3 триллион сўм йўналтирилган.
Изоҳ (0)