Ўзбекистон селдан жабр кўрган Ўш вилоятига 3 июль куни инсонпарварлик ёрдами юборди.
Қирғизистон ФВВ матбуот хизматининг хабар қилишича, 95 тонна юк ун, шакар, ўсимлик ёғи бошқа озиқ-овқат маҳсулотларидан иборат.
Ушбу гуманитар ёрдам Ўзбекистон фавқулодда вазиятлар вазирининг биринчи ўринбосари Санжарбек Зупаров бошчилигида олиб келинган бўлиб, уларни Қирғизистон фавқулодда вазиятлар вазири ўринбосари Акилбек Мазарипов ва Қирғизистон президентининг Ўш вилоятидаги ваколатли вакили ўринбосари Илёс Тошбоев қабул қилиб олди.
28 июнь куни Ўш вилояти Ноокат тумани Абшир Ота қишлоғига сел келиши оқибатида 9 киши ҳалок бўлди. 2 июль куни қурбонлар сони 10 кишига етди.
Кўприклар ва йўлларнинг вайрон бўлишига, одамларнинг ўлимига сабаб бўлган сел оқибатида Ноокат туманида фавқулодда ҳолат эълон қилинди. Абшир Ота дам олиш масканида 1300 дан ортиқ одам қолиб кетган, уларнинг барчаси эвакуация қилинган.
Изоҳ (0)