Брюссел мамлакатдаги иқтисодий ислоҳотларни қўллаб-қувватлаш учун Қоҳирага 1 миллиард евро ажратади.
Бу ҳақда Еврокомиссия президенти Урсула фон дер Ляен Қоҳирада “Миср-Евроиттифоқ” сармоявий форумининг очилиш маросимида айтиб ўтди.
“Март ойида биз Миср билан 7,4 миллиард евро миқдоридаги ёрдам шартномасини имзоладик ва бугун биз мамлакатда амалга оширилаётган иқтисодий ислоҳотларни қўллаб-қувватлаш мақсадида Қоҳирага ваъда қилинган маблағнинг биринчи миллиардини ажратмоқдамиз”, — деди фон дер Ляен.
Аввалроқ Саудия Арабистонидаги ҳаж мавсуми пайтида 300 нафардан ошиқ мисрликлар ҳалок бўлгани ҳақида хабар берилганди. Улар ҳаддан зиёд жазирама иссиқдан вафот этган.
Изоҳ (0)