Россиянинг “Кама” компанияси Ўзбекистонда электромобиль ишлаб чиқариш имкониятларини кўриб чиқмоқда. Бу ҳақда компания бош директори Игор Поваразднюк “ТАСС”га берган интервьюсида маълум қилди.
Россия ва Ўзбекистон президентларининг учрашувида маҳаллий бозор ва Марказий Осиё мамлакатлари учун Ўзбекистонда “Атом” электромобилларини ишлаб чиқариш масаласи муҳокама қилинди. Биз бу ғояни бир неча ҳамкорлар билан ўрганиб чиқдик.
Ўзбекистон автомобиль бозори жуда қизиқ: унинг ҳажми катта ва мамлакатда сотилаётган барча автомобилларнинг қарийб 6 фоизини электромобиллар ташкил этади. Шунинг учун мазкур истиқболли йўналишни ўрганишни давом эттиришни режалаштирмоқдамиз, — деди у.
“Ўзбекистонда ‘Атом’ электромобилларини ишлаб чиқаришни йўлга қўйиш имконияти кўриб чиқилмоқда”, деган эди Россия президенти Владимир Путин 2023 йил октябрь ойида Ўзбекистон президенти Шавкат Мирзиёев билан учрашувда.
Изоҳ (0)