Фарғона вилояти Қўқон шаҳрида ота алиментдан қарзи бўлмаса ҳам, икки фарзанди учун Spark берди. Бу ҳақда МИБ ахборот хизмати “Дарё”га хабар берди.
Маълум қилинишича, фуқаролик ишлари бўйича Қўқон туманлараро судининг 2016 йил 19 апрель кунги ижро ҳужжатига асосан Қўқон шаҳрида яшовчи қарздор И.К.дан ундирувчи М.Б фойдасига икки нафар вояга етмаган фарзандларининг моддий таъминоти учун алимент ундириш белгиланган.
Бюронинг Қўқон шаҳар бўлими томонидан мазкур ижро ҳужжати бўйича қарздор И.К.дан алимент тўловлари ўз вақтида ундириб келинган. Унинг алимент тўловларидан қарзи мавжуд бўлмаган. Шундай бўлса-да, ундирувчи Б.М. билан келишган ҳолда икки нафар фарзандининг келажаги учун улар вояга етгунга қадар тўланадиган алимент пуллари ўрнига Spark’ни топширишини маълум қилган.
Шу тариқа собиқ турмуш ўртоқлар ўртасида келишув битими имзоланиб, ижро ҳужжати бўйича иш юритуви тамомланди.
Изоҳ (0)