Тошкент вилояти Янгийўл туманида аёлнинг икки эри алиментдан қарздорлик сабаб бир кунда қамалди. Бу ҳақда МИБ ахборот хизмати “Дарё”га хабар берди.
Унга кўра, Мажбурий ижро бюросининг Янгийўл тумани бўлим иш юритувидаги Фуқаролик ишлари бўйича суд буйруғига асосан ундирувчи Л.Й.нинг 3 нафар фарзанди моддий таъминоти учун қарздор Г.У.нинг алимент қарздорлиги мавжуд бўлган. Ҳолат юзасидан мурожаатчининг аризасига асосан қарздорнинг яшаш манзилига мажбурий ижро ҳаракатларини олиб бориш мақсадида чиқилган.
Ижро ҳаракатларида қарздор Г.I кескин қаршилик кўрсатади ва мажбурий тартибда олиб кетилаётган вақтида хонадонидаги турмуш ўртоғи М.Т унинг ҳам алимент ижро ҳужжати борлиги, алиментни ўз вақтида олмаётганини маълум қилади. Давлат ижрочиси мурожаатини назоратга олиб ўрганади. Мурожаатни ўрганишда ҳақиқатдан ҳам ушбу ҳужжати борлиги ва алимент тўловларини ўз вақтида тўламасдан, МИБ бўлимига келишдан бўйин товлаб юргани маълум бўлади.
Шундан сўнг, дарҳол қарздор I.М. ҳам бўлимга мажбурий тартибда олиб келинади. Ҳар икки қарздорнинг алиментдан қарздорлиги 10 млн сўмдан юқори экани аниқланади.
Давлат ижрочиларининг тушунтириш ва огоҳлантиришларига қарамай алимент тўловларини тўламаган икки "кундошлар"га Маъмурий жавобгарлик тўғрисидаго кодекснинг 47-4-моддаси 1-қисмига асосан маъмурий баённома расмийлаштирилиб, уларга суднинг қарорига асосан 15 сутка маъмурий қамоқ жазоси тайинланган ва қарздорлар жазо муддатини ўтамоқда.
Изоҳ (0)