АҚШ ҳукумати 24 июнь куни Украина учун 150 миллион доллар қийматидаги янги ҳарбий ёрдам пакетини тасдиқлаган. Бу ҳақда Kyiv Independent нашри хабар берди.
Янги пакет асосан ҳужум қуролларини ўз ичига олиб, Украина томонидан сўралган воситаларни қамраб олган. Унда HIMARS юқори ҳаракатчанликдаги артиллерия ракеталари, зирҳга қарши қуроллар, кичик қуроллар ва гранаталар, шунингдек, 155 ва 105 миллиметрли артиллерия снарядлари борлиги қайд этилган.
Киев расмийлари ушбу қуроллар шарқий мудофаа учун зарурлигини билдирган. Вашингтондан ушбу кўринишдаги таъминот ҳажмини ошириш сўралган.
АҚШ расмийлари бошқа қуролларни истисно қилган ҳолда, HIMARS ва ATACMS ракеталари билан Россия ичкарисини нишонга олишни тақиқлаган. Ушбу воситаларнинг вайронкор салоҳияти қурбонлар сонини ошириши айтилган. Шунингдек, бу ҳаракат Москванинг эътирозига сабаб бўлиши айтилган.
Россия томони маълум қилишича, Украина 23 июнь куни Қримга зарба беришда Америка томонидан тақдим этилган ATACMS ракеталаридан фойдаланган. Оқибатда тўрт киши ҳалок бўлган ва 151 киши жароҳатланган. Украина бу хабарга изоҳ бермаган.
Украина расмийлари ҳафта давомида АҚШ яна иккита молиявий-ҳарбий пакет ажратишини билдирган. Янги пакетлар ҳажми ва улар қамраб оладиган воситалар ҳақида ошкор қилинмаган.
Изоҳ (0)