Пентагон Украинага 275 миллион долларлик янги ҳарбий ёрдам пакетини эълон қилди. Мазкур пакет HIMARS ракета тизими учун ўқ-дорилар ва артиллерия снарядларини ўз ичига олади.
Бугун Мудофаа вазирлиги Украинанинг муҳим хавфсизлик ва мудофаа эҳтиёжларини қондириш учун янги ёрдам пакетини эълон қилди, — дейилади АҚШ Мудофаа вазирлиги баёнотида.
HIMARS MLRS учун ўқ-дориларга қўшимча равишда, янги пакетга 155 ва 105 мм артиллерия снарядлари, 60 мм миномёт снарядлари, ТОW танкка қарши ракета тизими учун снарядлар, Javelin танкига қарши ракета тизимлари ва бошқалар киради.
Киевга қурол-яроғдан ташқари дубулғалар, зирҳлар, кимёвий, биологик ёки радиологик хавф туғилганда ишлатиладиган ҳимоя воситалари, шунингдек, эҳтиёт қисмлар ва сарф материаллари тўплами берилади.
АҚШ Давлат котиби Энтони Блинкеннинг Давлат департаменти веб-сайтида эълон қилинган хабарида таъкидланишича, аввалги пакетлардаги ёрдам аллақачон етиб борган ҳамда Қўшма Штатлар янги пакетдаги қурол ва ўқ-дориларни “имкон қадар тезроқ” етказиб беришга ҳаракат қилади.
Изоҳ (0)