Россиянинг Ростов шаҳридаги 1-сонли тергов изоляторида маҳбуслар одамларни гаровга олди, деб хабар беради “ТАСС”. Улар орасида Федерал жазони ижро этиш хизматининг (FSIN) икки ходими ҳам бор.
Қайд этилишича, 16 июнь тонггида тергов изоляторидаги камералардан бирида сақланган олти нафар айбланувчи ходимларни гаровга олган. Ҳуқуқ-тартибот идоралари маълумотларига кўра, қўлга олинганлар — тезкор ходим ва назоратчи инспектор.
Жиноятчилар бу вақтда тергов изоляторининг ички ҳовлисида бўлган ва пичоқ, дубинка ва ўт ўчирувчилар болтаси билан қуролланган. Улардан бири FSIN офицерларидан бирининг қўлига кишан таққан. Маҳбуслар автомашина ва изоляторни тарк этишга қўйиб беришни талаб қилган.
Россия президенти ҳузуридаги Инсон ҳуқуқлари бўйича кенгаш аъзоси Ева Меркачеванинг сўзларига кўра, гаровга олинганлар орасида FSIN ҳудудий бошқармаси оператив бўлим бошлиғи Александр Богма ҳам бўлган.
Telegramъдаги Маsh каналининг ёзишича, ходимларни гаровга олган шахсларнинг қариндошлари уйларида тинтув ўтказилмоқда. Тезкор ходимлари Ингушетияда иш олиб бормоқда. Улар бир неча йил олдин Қорачой-Черкесия Республикасига кўчиб ўтиб, ИШИД топшириғига асосан Олий суд биносида теракт уюштиришга тайёрланган. 2022 йил апрелида улар ижарадаги уйларида ушланган.
Гаровга олинганларни озод қилиш бўйича ўтказилган махсус операция давомида жиноятчилар йўқ қилинган, гаровда бўлган ходимлар озод этилган ва уларга ҳеч қандай жароҳат етмаган.
ИШID экстремистик гуруҳи жаҳоннинг бир қатор мамлакатлари ва халқаро ташкилотлар томонидан “террорчилик ташкилоти” деб топилган.
Изоҳ (0)