Америка технология гиганти Apple, сунъий интеллект (СИ) хусусиятларини смартфон ва бошқа қурилмаларининг ажралмас қисмига айлантиришни мақсад қилган, дея Deutsche Welle хабар берди.
Хабарга кўра, Apple СИ соҳасидаги етакчи ҳисобланган OpenAI компанияси билан ҳамкорликда Apple Intelligence (АI) тизимини яратмоқда.
Дунё бўйлаб дастурчилар конференциясида Apple қурилмалари учун мўлжалланган янги операцион тизимларни ишга тушириш, жумладан, iOS 18, iPad ОS 18 ва МаcОS Sequoia операцион тизимларининг сунъий интеллект асосидаги янги функциялари тақдим этилган.
OpenAI билан ҳамкорлик доирасида, ChatGPT чатботи — матн яратиш, тасвирлар ва бошқа контентни генерация қилишга қодир бўлган технологиялар iPhone, iPad ва бошқа Apple қурилмаларига ҳам ўрнатилади.
Янги iPhone’лар функциялари ва хусусиятлари
Хусусан, Apple Intelligence автоматик матн ёзиш, иловалар бўйича ахборотни жамлаш, электрон почта хабарларини қабул қилиш ва хусусий эможиларни яратиш имкониятига эга бўлади. Siri овозли ёрдамчиси ҳам СИ технологияси ёрдамида тўлиқ қайта ишланади. Шунингдек, маълумотлар ҳимоясини таъминлайдиган механизмлар Apple Intelligence билан бирлаштирилади.
OpenAI бош директори Сем Алтманга кўра, унинг компанияси бу йил Apple билан ChatGPT’ни ўз қурилмаларига интеграция қилиш устида ҳамкорлик қилишдан мамнун. Apple бош директори Тим Кук сунъий интеллект соҳасидаги энг сўнгги ютуқлар фойдаланувчиларнинг Apple маҳсулотларидан фойдаланиш тажрибасини янги даражага кўтаришини таъкидлаган. Шу кунга қадар корпорация сунъий интеллектдан фойдаланишда рақиблари, жумладан, Google ва Microsoft’дан анча ортда қолган эди.
Изоҳ (0)