Жиззах вилояти Дўстлик туманида фермернинг BYD машинаси хатлангач, барча қарзини тўлади. Бу ҳақда МИБ ахборот хизмати “Дарё”га хабар берди.
Унга кўра, бюронинг Дўстлик туман бўлимига “З.М” фермер хўжалиги ҳисобидан Жиззах вилояти Солиқ бошқармаси ҳисобига 75 миллион солиқ қарзи ундириш бўйича ижро варақалари келиб тушган. Мазкур ижро ҳужжати бўйича давлат ижрочиси томонидан ижро иши қўзғатилиб, қарздорга тегишли автотранспортига тақиқ ўрнатилган ҳамда ҳисоб рақамларига банд солинган.
Шундан сўнг ижро ҳужжати юзасидан бўлим давлат ижрочиси томонидан олиб борилган мажбурий ижро ҳаракатлари давомида фермер хўжалиги раҳбарига қарздорликни ўз вақтида тўламагани ҳамда ўзига тегишли автотранспортни хатлашдан яширгани сабабли 5,1 миллион сўм маъмурий жарима қўлланилган. Мажбурий ижро ҳаракатлари давомида қарздорнинг BYD русумли автомашинаси қарздорлик эвазига хатланиб, жарима майдончасига жойлаштирилди.
Қарздор машинасиз қолгач, мавжуд қарздорликларни тўлиқ тўлаб берди.
Изоҳ (0)