Тошкент вилояти Оҳангарон туманида банкдан қарийб 420 миллион сўм қарзи бор фуқаронинг машинаси хатланди. Бу ҳақда МИБ ахборот хизмати “Дарё”га хабар берди.
Бюронинг Ангрен шаҳар бўлими иш юритувида фуқаролик бўйича Оҳангарон туманлараро судининг ижро варақаларига асосан тижорат банклари фойдасига кредит қарздорликларни ундириш бўйича бир неча ижро ишлари кўрилган.
Иш юритувда қарздор Д.Р.дан ундирувчи банк фойдасига 419 миллион сўм кредит қарзини ундириш бўйича ижро ҳужжати бўйича қарздорликни ундириш мақсадида қарздорнинг манзилига чиқилган.
Фуқаро манзилидан топилмагач, ЙҲХБ ходимлари билан ҳамкорликда гаровга қаратилган Cherry автотранспорт воситаси ҳаракатланиб кетаётган пайтида тўхтатилган. Бюро ходимлар ушбу транспортни хатлаб жарима майдончасига жойлаштирган.
Изоҳ (0)