Исроил мудофаа кучлари Ливанда “Ҳизбуллоҳ” гуруҳига қарши ҳужум бошлашга тайёр. Бу ҳақда икки давлат чегарасига ташриф буюрган Исроил армияси раҳбари Герзи Ҳалеви маълум қилди.
Биз қарор қабул қилиниши керак бўлган нуқтага яқинлашмоқдамиз. Саккиз ойдан бери бу ерда зарба бермоқдамиз ва Ҳизбуллоҳ жуда юқори товон тўлайди, — дейди Ҳалеви.
Унинг сўзларига кўра, Исроил қўшинлари “шимолда ҳужум қилишга тайёр”. Исроил армияси жанговар ҳаракатларни ўтказиш учун етарли даражада тайёргарликдан ўтган ва шай ҳолатда.
Аввалроқ Исроил бош вазири Биньямин Нетаньяху ҲАМАС томонидан гаровга олинганларни озод қилиш учун Ғазодаги урушни 42 кунга тўхтатишга тайёрлигини айтганди. Шу билан бирга, у Исроил ўт очишни бутунлай тўхтатмаслигини қайд этган.
Изоҳ (0)