Ҳаво кемасининг кеч келиши муносабати билан фақат 3 июнь куни Тошкент—Анталия—Тошкент HY3223/3224 йўналиши бўйича парвоз ўзгартирилган жадвал бўйича амалга оширилиши айтилган эди. Бунинг сабаби маълум қилинди.
2024 йилнинг 2 июнь куни Анталия аэропортида Boeing 787 ҳаво кемасида Анталия – Тошкент йўналиши бўйича HY 3224 авиақатновига тайёргарлик кўриш вақтида чап двигателни ишга тушириш тизимида носозлик аниқланган.
Тurkish Technic вакиллари иштирокида ўтказилган текширувлардан сўнг йўловчиларни жўнашни кутиш даврида меҳмонхонага жойлаштиришга ва HY3224 авиақатновини захирадаги ҳаво кемасида бажариш тўғрисида қарор қабул қилинган.
Авиақатновнинг мажбурий кечиктирилиши сабабли йўловчиларга паспорт назорати текширувидан ўтиши, шаҳарга чиқиши ва меҳмонхоналарда тунаши учун ёрдам кўрсатилган.
Айни пайтда, 2 июнь куни Анталия — Тошкент йўналиши бўйича кечиктирилган авиақатновнинг йўловчилари 3 июнь куни Анталия маҳаллий вақти билан соат 11:51 да Тошкентга захирадаги ҳаво кемасида хавфсиз тарзда учиб кетди.
HY3224 авиақатновининг Тошкентга етиб келиш вақти: 18:00.
Изоҳ (0)