Қашқадарёда Telegram’да ўзганинг расмларини тарқатиб юборган йигит қўлга олинди. Бу ҳақда ИИВ Киберхавфсизлик маркази хабар берди.
Қайд этилишича, Қашқадарё вилоятида яшовчи (аёл) З.З. мурожаат қилиб, ўзининг беҳаё фото ҳамда видеотасвирлари номаълум шахс томонидан Telegram мессенжерида тарқатиб юборилганини маълум қилган.
Тезкор-қидирув хизмати Киберхавфсизлик бўлинмалари томонидан ўтказилган тезкор-қидирув тадбирлари натижасида ушбу жиноятни Қашқадарё вилоятида яшовчи Х.А. содир этгани аниқланган.
Гумонланувчи сифатида тергов органларига жалб этилган Х.А. З.З. билан маълум вақт ишқий муносабатда бўлиб келган ва унинг турли беҳаё фотосуратларини Telegram мессенжери орқали қўлга киритиб, тарқатиб юборгани маълум бўлган.
Мазкур ҳолат юзасидан Х.А.га нисбатан Жиноят кодексининг 141-3-моддаси (шахснинг шаънини ва қадр-қимматини камситувчи ҳамда инсон ҳаётининг сир тутиладиган томонларини акс эттирувчи маълумотларни ошкор қилиш) 1-қисми билан жиноят иши қўзғатилган.
Қонунга мувофиқ, бу каби жиноий хатти-ҳаракатлар учун 360 соатдан 480 соатгача мажбурий жамоат ишлари ёки бир йилдан уч йилгача озодликни чеклаш ёхуд 3 йилгача озодликдан маҳрум қилиш жазоси назарда тутилган.
- 2023 йил июль охирларида Бухоро шаҳрида эркак билан ишқий муносабатда бўлиб, уни турмуш ўртоғига ошкор қилмаслик эвазига телефон талаб қилган қиз қўлга олинганди.
- Май ойида Тошкентда аёлнинг фото-видеоларини эри ва қайнотасига кўрсатишини айтиб, ундан пул талаб қилган эркак ушлангани,
- Тошкент вилоятида 19 ёшли қизнинг суратларини тарқатиш билан таҳдид қилган йигит қўлга тушгани тўғрисида хабар берилганди.
Изоҳ (0)