Хоразм вилоятида қаттиқ ва суюқ маиший чиқиндиларни тўплаш ва олиб чиқиб кетиш бўйича кўрсатиладиган хизматлар учун ягона тўлов тарифлари тасдиқланди. Бу ҳақда Санитар тозалаш ишларини ташкил этиш республика маркази хабар берди.
Унга кўра:
- Урганч шаҳри ва Урганч тумани бўйича аҳоли учун 5 880 сўм ҳамда юридик шахсларга 1 метр куб учун 80 640 сўм (ҚҚС билан) тўлов миқдори белгиланди;
- Хива шаҳри ва вилоятнинг бошқа туманларида эса аҳоли учун 4 592 сўм ҳамда юридик шахслар учун 64 400 сўм (ҚҚС билан) тўлов тарифлари миқдори тасдиқланди.
Таъкидланишича, ҳозирда республиканинг бошқа ҳудудларида ҳам қаттиқ маиший чиқиндиларни тўплаш ва олиб чиқиб кетиш бўйича кўрсатиладиган хизматлар учун ягона тўлов тарифларини белгилашга доир чора-тадбирлар олиб борилмоқда.
Аввалроқ Қорақалпоғистон Республикаси, Жиззах, Сирдарё, Сурхондарё вилоятлари ва Қарши шаҳрида қаттиқ ва суюқ маиший чиқиндиларни тўплаш ва олиб чиқиб кетиш бўйича кўрсатиладиган хизматлар учун ягона тўлов тарифлари тасдиқланган эди.
Изоҳ (0)