Тошкентда ўзини трейдерлик фаолияти билан шуғулланишини айтиб, ўзганинг 23 млн сўмини ўзлаштирган шахс ушланди

Тошкент шаҳрида яшовчи 52 ёшли (аёл) Ю.А. ички ишлар органларига мурожаат қилиб, банк картасидан 23 млн сўм миқдоридаги пул маблағлари номаълум шахс томонидан фирибгарлик йўли билан ўзлаштирилганлигини маълум қилган. Бу ҳақда Киберхавфсизлик маркази хабар берди.

Маълум қилинишича, ўтказилган тезкор-қидирув тадбирлари натижасида мазкур жиноятни Тошкент шаҳрида яшовчи (аёл) Ю.З. содир этганлиги аниқланган.

Унга кўра, Ю.З. жабрланувчи Ю.А. билан Telegram’даги канали орқали танишиб, унга ўзини трейдерлик фаолияти билан шуғулланишини ва пулларини оз фурсатларда кўпайтириб беришини ваъда қилган. Натижада алдов йўли билан 23 млн сўм миқдоридаги маблағни ўтказиб олишга эришиб, пулларни ўз эҳтиёжларига сарфлаб юборган.

Мазкур ҳолат юзасидан Ю.З.га нисбатан ЖКнинг 168-моддаси (фирибгарлик) 3-қисми “г” банди билан жиноят иши қўзғатилган.