Андижон вилояти ҳокими Шуҳрат Абдураҳмонов “Зарубежнефть” АЖнинг Москва шаҳридаги бош офисида компания бош директори Сергей Кудряшов билан учрашди. Бу ҳақда вилоят ҳокимлиги матбуот хизмати хабар берди.
Учрашувда Андижон вилоятида қиймати 100 млн доллар бўлган (1-босқичда 18 мегаватт, 18 миллион доллар) 2024—2026 йилларда жами 100 мегаватт қувватга эга қуёш панелли электр станциясини қуриш лойиҳасини амалга ошириш бўйича меморандум имзоланди.
Шунингдек, Андижон вилояти ҳокими шу ернинг ўзида “Росатом” давлат корпорациясининг “Специалная энергия” шўба корхонаси ва “Зарубежнефть” билан қиймати 100 миллион долларлик маиший чиқиндиларни қайта ишлаш ва электр энергия ишлаб чиқариш лойиҳасини амалга ошириш бўйича корхона раҳбарияти билан музокараларни якунлаб, уч томонлама шартнома имзолади.
Изоҳ (0)