Қозоғистон хорижликларнинг мамлакатга кириши ва бўлиб туриш қоидаларини кучайтирди. Ички ишлар вазирлиги бу миграция назорати самарадорлигини, айниқса, тизимли ва яширин қонунбузарликлар аниқланишини таъминлашини айтди. Бу ҳақда Tengrinews хабар берди.
Хусусан, Қозоғистонга кириш мақсадида виза олиш учун ариза топшираётганда таклиф қилувчи томон ёки виза олаётган шахсда оила аъзоларини боқиш учун етарли пул бўлиш керак. Илгари бу талаб фақат Қозоғистонга хорижликни таклиф қилувчи шахсга нисбатан қўлланилган.
Қозоғистонни халқаро меҳнат бозорига интеграция қилиш ва қозоғистонлик эмигрантларни, яъни малакали мутахассисларни қайтариш учун талаб юқори бўлган касб ва кўникмаларга эга шахсларга маълум тоифадаги визалар берилади.
Кўп марталик визага эга инвесторлар учун доимий прописка олиш шартлари кенгайтирилди. Чет элликлар ва фуқаролиги бўлмаган шахслар учун Қозоғистонда доимий яшаш учун рухсатномаларни рад этиш ёки бекор қилишда қўшимча асослар тақдим этилди:
- талабга эга касблар рўйхати бўйича доимий пропискага рухсат олган, бироқ айни шу касбда йилига 183 календарь куни ишламаганлар;
- миграция, солиқ ва меҳнат қонунчилигини бузганда жавобгарликка тортилган шахсларга доимий прописка бериш рад этилган ёки бекор қилинган муддат кўрсатилади;
- мамлакатда 183 кундан ортиқ истиқомат қилмаган шахсларга доимий яшаш учун рухсатнома бекор қилинади.
Чет эл фуқаросининг доимий яшаш жойи узрли сабаблар: хизмат сафари, ўқиш, касаллик ва бошқаларга кўра бекор қилинмайди.
Изоҳ (0)