Qozog‘iston xorijliklarning mamlakatga kirishi va bo‘lib turish qoidalarini kuchaytirdi. Ichki ishlar vazirligi bu migratsiya nazorati samaradorligini, ayniqsa, tizimli va yashirin qonunbuzarliklar aniqlanishini taʼminlashini aytdi. Bu haqda Tengrinews xabar berdi.
Xususan, Qozog‘istonga kirish maqsadida viza olish uchun ariza topshirayotganda taklif qiluvchi tomon yoki viza olayotgan shaxsda oila a’zolarini boqish uchun yetarli pul bo‘lish kerak. Ilgari bu talab faqat Qozog‘istonga xorijlikni taklif qiluvchi shaxsga nisbatan qo‘llanilgan.
Qozog‘istonni xalqaro mehnat bozoriga integratsiya qilish va qozog‘istonlik emigrantlarni, yaʼni malakali mutaxassislarni qaytarish uchun talab yuqori bo‘lgan kasb va ko‘nikmalarga ega shaxslarga maʼlum toifadagi vizalar beriladi.
Ko‘p martalik vizaga ega investorlar uchun doimiy propiska olish shartlari kengaytirildi. Chet elliklar va fuqaroligi bo‘lmagan shaxslar uchun Qozog‘istonda doimiy yashash uchun ruxsatnomalarni rad etish yoki bekor qilishda qo‘shimcha asoslar taqdim etildi:
- talabga ega kasblar ro‘yxati bo‘yicha doimiy propiskaga ruxsat olgan, biroq ayni shu kasbda yiliga 183 kalendar kuni ishlamaganlar;
- migratsiya, soliq va mehnat qonunchiligini buzganda javobgarlikka tortilgan shaxslarga doimiy propiska berish rad etilgan yoki bekor qilingan muddat ko‘rsatiladi;
- mamlakatda 183 kundan ortiq istiqomat qilmagan shaxslarga doimiy yashash uchun ruxsatnoma bekor qilinadi.
Chet el fuqarosining doimiy yashash joyi uzrli sabablar: xizmat safari, o‘qish, kasallik va boshqalarga ko‘ra bekor qilinmaydi.
Izoh (0)