Аббосбек Файзуллаев жорий мавсум РПЛда 10+ очко тўплаган энг ёш футболчига айланди

Футбол бўйича Россия Премьер Лигасининг 29-туридан ўрин олган “ЦСКА” ҳамда “Нижний Новгород” жамоалари ўртасидаги баҳс 20 май санасида бўлиб ўтди. 

Учрашув москваликларнинг 6:2 ҳисобидаги ғалабаси билан якунланди. Ўзбекистонлик футболчи Аббосбек Файзуллаев “ЦСКА”нинг 4 ва 5-голларига голли узатмани амалга оширди. Шу тариқа 20 ёшли футболчи Премьер Лиганинг жорий мавсумида 10+ очко (4 та гол ва 7 та ассист) тўплаган энг ёш ўйинчига айланди.

“ЦСКА” ушбу ғалабадан сўнг очколари сонини 45 тага етказди ва 6-ўринга кўтарилиб олди. “Нижний Новгород” эса 29 очко билан 14-поғонани банд этган.

РПЛ

29-тур баҳси

20 май, душанба

“Нижний Новгород” — “ЦСКА” 2:6

Голлар: 0:1 – 10 Обляков, 0:2 – 22 Мусаев, 0:3 – 37 Зделар, 1:3 – 48 Стоский, 1:4 – 56 Давила, 2:4 – 77 Боселли, 2:5 – 83 Заболотний, 2:6 – 90 Глебов.

“Нижний Новгород”: Нигматуллин, Тихий, Госук, Глушенков, Живоглядов, Калинский, Трошечкин, Стоский, Карапузов, Боселли, Зе Турбо.

“ЦСКА”: Акинфеев, Дивеев, Виллиан Роша, Агапов, Хелвен, Зделар, Мендес, Обляков, Давила, Файзуллаев, Мусаев.

Огоҳлантиришлар: Агапов (5), Живоглядов (34).