Олександр Усик ва Тайсон Фьюри мутлақ жаҳон чемпионлиги учун жангдан қанча гонорар олиши маълум бўлди

Олександр Усик ва Тайсон Фьюри Ар-Риёддаги жангидан ўзлари учун рекорд бўлган даромад кўради.

“Чемпион” нашри хабарига кўра, Фьюри жанг учун 69 миллион доллар гононар олади. Усик эса 34 миллион олади.

Бу кафолатланган гонорар бўлиб, иккала боксчи натижадан ва трансляциялар сотувидан қатъи назар умумий 103 миллион доллар олади. 

Эслатиб ўтамиз, WBA Super, IBF, WBO ва IBO камарлари соҳиби бўлган Усик ва WBC чемпиони Фьюри мутлақ жаҳон чемпионлиги учун рингга кўтарилади. 

Турнир доирасида яна қуйидаги жанглар ўтказилади. 

• Маирис Бриэдис (28-2) – Жай Опетая (24-0);
• Жо Кордина (17-0) – Энтони Какаче (21-1);
• Сергей Ковалев (35-4-1) – Робин Сафар (16-0);
• Марк Чемберлен (15-0) – Жошуа Олувасеун Ваҳаб (23-1);
• Фрэнк Санчес (24-0) – Агит Кабаел (24-0);
• Даниэль Лапин (9-0) – Октавио Пудивитр (9-1).

Жой — Саудия Арабистонининг Кингдом Арена стадиони. Айнан шу стадионда Фьюри Нганнуга қарши рингга кўтарилганди ва ғалаба қозонган эди. Шунингдек, Дмитрий Бивол, Энтони Жошуа ва Деонтей Уайлдер иштирокидаги турнир бўлиб ўтган.

Жангни Ўзбекистоннинг ҳеч бир канали трансляция қилмайди. ESPN+ да жонли томоша қилиш мумкин бўлади.