Хави мавсум якунланганидан кейин “Барселона”ни тарк этади

Хави “Барселона” бош мураббийлигини тарк этади.

Каталонияликлар президенти Жоан Лапорта мутахассис билан кейинги мавсумда ҳамкорлик қилмаслик борасида қарор қабул қилди.

Лапортага Хавининг “Барселона” “Реал” ва Европадаги бошқа клублардан кўра ёмонроқ иқтисодий аҳволдалигини айтгани ёқмаган.

Бу гаплар президентнинг жаҳлини чиқарган. Лапорта ҳаттоки жамоанинг “Алмерия”га қарши (2:0) ўйинига ҳам ташриф буюрмаган.

Эслатиб ўтамиз, 28 январда Хави мавсум охирида “Барселона” мураббийлик постини тарк этишини таъкидлаганди. Кейинчалик бир неча бор бу қарорини ўзгартирмаслигини ҳам айтиб ўтганди. Бироқ раҳбарият апрель ойида испаниялик мутахассисни жамоада қолдиришга кўндирганди. Энди эса у билан шартномани бекор қилишга тайёр.

Хави “Барселона”ни 2021 йилнинг ноябридан бери бошқариб келмоқда. 

Айни дамда “Барселона” Ла Лига жадвалида 2-ўринда бормоқда.