АҚШда 39 ёшли Ўзбекистон фуқароси Султон Нуриев болаларга нисбатан жинсий зўравонлик акс этган материалларни чегарадан олиб ўтгани учун 19 йилга ҳукм қилинди. Бу ҳақда АҚШ Адвокатлик идораси хабар берди.
Маълум қилинишича, Нуриев 2022 йил 13 январь куни Флоридадан Тошкентга жўнаб кетган. Шу йилнинг 20 февраль куни у Орландога (Флорида) қайтган. Нуриев Қўшма Штатларга қайтганидан сўнг, АҚШ божхона ва чегара қўриқлаш хизмати (CBP) унинг телефонини текширган. Ундан болаларга нисбатан жинсий зўравонлик тасвирлари топилган.
Кейинги суд-тиббий экспертиза текшируви шуни кўрсатдики, Ўзбекистон фуқароси интернетда ўзини 12 ёшли бола қиёфасида кўрсатиб, вояга етмаган қизларни шаҳвоний суратлар олишга ундаган. Ушбу ишни АҚШ божхона ва чегара қўриқлаш ҳамда Федерал тергов бюроси текширган. Султон Нуриев 2023 йил 26 сентябрда ўз айбига иқрор бўлган.
Изоҳ (0)