Японияда 15 май куни кўплаб олийгоҳлар талабалари Исроил билан ҳамкорликни тўхтатишни талаб қилиб, намойишлар уюштирган. Бу ҳақда халқаро нашрларга таяниб, Anadolu хабар берди.
Манбада айтилишича, энг йирик намойишлар Япония пойтахтидаги Киото университетида кузатилган. Фаластинни қўллаб-қувватлаган талабалар университет президенти Нагахиро Минатони Исроил тадқиқот институтлари билан ҳарбий ҳамкорликни тўхтатишга чақирган.
Фаластинликлар билан талабалар бирдамлигининг халқаро тўлқинлари фонида Япониядаги талабалар ҳам Исроил билан ҳар қандай ҳамкорликни, жумладан, ҳарбий алоқаларни тўхтатишни талаб қилишган. Тинч аҳолига нисбатан зўравонлик қилаётган режим билан муносабатларни узишга чорлаган чақириқлар янграган.
Киото университети Исроил тадқиқот муассасалари билан ҳарбий соҳада ҳамкорлик меморандумига эга. Университетда ушбу йўналишда изланишлар олиб борилиши маълум қилинган.
Японияда талабалар намойиши асосан университетлар раҳбарияти ва йирик корпорациялар бошқаруви аъзоларига қаратилган. Ҳукуматга нисбатан чақириқ ва ундовлар деярли кузатилмаган.
Фаластинни қўллаган талабалар намойишлари Япониядан ташқари Жанубий Корея пойтахти Сеул ҳамда Австралиянинг йирик шаҳарларида ҳам кузатилган. Кўп ҳолларда университетлар раҳбарияти талабалар норозилигини бостириш учун маҳаллий полициядан ёрдам сўраган.
Изоҳ (0)