АҚШ Конгресси Вакиллар палатасида республикачилар университет кампусларида ноқонуний фаолият юритишда айбланганларни Ғазо секторидаги жамоат ишларига жўнатиш тўғрисидаги қонун лойиҳасини тақдим этди. Бу ҳақда Fox News хабар берди.
Қонун лойиҳаси республикачилар Энди Оглс, Ренди Вебер ва Жефф Дункан томонидан талабаларнинг Фаластинни қўллаб-қувватлаш учун давом этаётган норозилик намойишлари фонида тақдим этилган. Норозилик намойишларини ўз ичига олган ноқонуний фаолиятда айбланганларни “Ғазо секторида олти ойлик жамоат ишларига” жўнатиш таклиф қилинмоқда.
Талабалар бошқа талабаларни безовта қилиш ва бутун кампусни бузиш учун дарсларни ташлаб кетди. Мен қонун лойиҳасини киритдим, унга кўра, Америка университети кампусидаги ноқонуний фаолиятда айбланган шахс Ғазога жамоат ишларини бажариш учун камида олти ойга юборилиши керак, — деди Оглс.
Айни дамда Америка университетларида Фаластинни қўллаб-қувватлаш мақсадида оммавий норозилик намойишлари ўтказилмоқда. Намойишлар кўпинча полиция ва Исроил тарафдорлари билан тўқнашиб, Исроилга молиявий ёрдам ва қурол етказиб беришни тўхтатишни талаб қилмоқда.
Америка ОАВга кўра, АҚШ полицияси Фаластинни қўллаб-қувватловчи намойишларда 1,5 мингдан ортиқ одамни ҳибсга олган.
Изоҳ (0)