Haqiqiy kino ishqibozlari yulduz bolalar va ota-onalari birga rol o‘ynashganini bilishsa-da, ammo ko‘pchilik bu oilaviy duetlarni e’tiborsiz qoldirishi mumkin.
Vanda Ventham, Timoti Karlton va Benedikt Kemberbetch
“Sherlok” teleserialida Benediktning haqiqiy otasi va onasi mashhur detektivning ota-onasi rolini o‘ynagan. Tomoshabinlar ularni uchinchi va to‘rtinchi fasllarda ko‘rishlari mumkin edi. Vanda Ventham va Timoti Karlton ham XX asr o‘rtalarida teatr va kinodagi karyeralarini boshlagan mashhur aktyorlardir. Ular hatto filmlardan birining suratga olish maydonchasida uchrashishgan.
Endi MakDauell va Margaret Kuelli
-R7iAXWZ9.webp)
Mashhur ona va uning qizi “Farrosh” serialida birgalikda rol o‘ynagan. Margaret yigiti bilan o‘rtasidagi qiyin munosabatlari tufayli ikki yoshli qizi bilan qochib ketgan va farrosh bo‘lib ishga kirgan ayol rolini ijro etadi. Endi esa ruhiy kasallikka chalingan onasining rolini o‘ynaydi.
Ben Stiller, Jerri Stiller va Enn Mira
Ma’lum bo‘lishicha, Ben Stiller ishtirok etgan bir nechta komediyalardagi shirinso‘z chol aslida aktyorning ekrandagi otasigina emas, balki uning biologik otasi ham.
Aytgancha, Ben nafaqat otasi, balki onasi bilan ham birgalikda rol ijro etgan. Aktrisa Enn Mira “Muzeydagi tun” film franshizasining birinchi qismida epizodik rolda qatnashgan.
Filmda aktyorning onasi ish bilan ta’minlash xizmati xodimi Debbi rolini ijro etadi, bosh qahramon ish joyi topish uchun uning oldiga boradi.
Bryus Uillis va Rumer Uillis
Aktyor oilasida tug‘ilgan Rumer Glenn Uillis mashhur ota-onasi singari filmlarda rol o‘ynashni xohlaydi. Uning otasi va onasi kino sanoatida taniqli bo‘lsa-da, bu borada unga hech qanday yordan berishmaydi. Ammo Bryus Uillis “Garovga olingan” trillerining kastingida qatnashishga qizini majbur qiladi. Suratga olish paytida yosh aktrisa 16 yoshda bo‘lgan, u o‘z rolini a’lo darajada bajara olgan.
Kolin Xenks va Tom Xenks
Kolin Xenks va uning mashhur dadasi Tom Xenks birinchi marta 1996-yilda musiqiy komediyada ekranda birga paydo bo‘lgan va 2008-yilda “Buyuk Bak Xovard” filmida yana ota va o‘g‘il rolini o‘ynagan.
Gvinet Peltrou va Blayt Danner
Mashhur Gollivud aktrisasi Blayt Dannerning farzandlari mashhur onasining izidan borishga qaror qilishadi. O‘g‘li Jeyk rejissyor, qizi Gvinet Peltrou dunyoga mashhur aktrisa bo‘ldi. Danner birinchi marta qizi bilan 1992-yilda “Shubha” filmida rol o‘ynagan. 2003-yilda ona va qiz “Silviya” biografik dramasida Gvinet bosh rolni, Blayt esa onasini o‘ynadi.
Mami Gummer va Meril Strip
“Rikki va Flesh” — 2015-yilda rok-yulduz sifatida karyerasini davom ettirish uchun oilasini tashlab ketgan ayol haqidagi tragikomediya bo‘lib, unda Meril Strip bosh rolni, aktrisaning qizi esa o‘zini o‘ynagan. Bu ikki yulduz aktrisa birga suratga tushgan ikkinchi film bo‘lib, birinchisi 1986-yilda suratga olingan “Rashk” filmi bo‘lib, unda 3 yoshli Meri Villa Gummer bosh qahramonning qizi rolini ijro etgan.
Emma Tompson va Sofi Tompson
Garri Potterning sarguzashtlari haqidagi filmlarda bir vaqtning o‘zida opa-singil Tompsonlar rol o‘ynaydi. Emma folbinlik bo‘yicha professor Sivila Treloni rolini, singlisi Sofi esa Sehrgarlik vazirligi xodimi Mufalda Xmelkirk obrazida paydo bo‘ladi. Eleksir yordamida Germiona aynan Mufalda qiyofasiga kirib oladi.
Izoh (0)