Машҳурларнинг ҳашаматли, дид билан ишланган ва ноёб дизайнга эга уйлари доим ҳайратда қолдиради. Уларни фақат расмларда эмас, балки реал ҳаётда ҳам кўришни истайдиган мухлислар учун бунинг йўли бор. Бунинг учун юлдузлар уйида ижарага яшаб кўриш мумкин.
Актриса Сара Жессика Паркернинг соҳил бўйидаги уйи
Актрисанинг Шарқий Хемптонда жойлашган кўчмас мулки дизайни денгиз услубида яратилган бўлиб, интерерда оқ, кўк ранг ва қум туслари ўрин олган. Шинам уй учта ётоқхона, каминли меҳмонхона, ошхона, ёзги айвон ва шаҳар шовқинидан яширинишингиз мумкин бўлган ям-яшил боғдан иборат. Бундай хонадоннинг бир кунлик ижараси 2 кеча учун атиги 20 долларни ташкил этади.
Актёр Леонардо Ди Каприонинг вилласи
Ди Каприога тегишли Калифорниядаги Палм Спрингс шаҳрида жойлашган ҳашаматли уй олтита ётоқхона, сузиш ҳавзаси, теннис корти, спа ва очиқ каминга эга меҳмонхонани ўз ичига олади. Бундай ҳашаматнинг бир кеча учун ижара нархи 3750 доллардан бошланади.
Қўшиқчи Стингнинг италян услубдаги уйи
Стинг ва унинг рафиқаси Труди Стайлерга тегишли бўлган 16-асрда қурилган вилла ҳақиқий санъат асаридек: гўзал боғлар, 900 фунт кенгликда экилган зайтун дарахтлари ва европача дизайн уйга ўзгача кўрк бахш этган. Виллада овоз ёзиш студияси, болалар майдончаси ва теннис корти мавжуд. Юлдузли жуфтлик ёз фаслини айнан шу уйда ўтказади. Йилнинг қолган фаслларида уй ижарага берилади. Ижара ҳаққи яшаш учун келган шахслар сони ва мавсумга қараб фарқ қилади.
Актёр Хью Жекманнинг Хемптондаги уйи
2023 йил январь ойида актёр Хью Жекман ва унинг рафиқаси, актриса Деборра-Ли Фернесс Шарқий Хемптондаги уйини ижарага беришини эълон қилди. Денгиз бўйида жойлашган мазкур уй минимализм дизайнида бўлиб, унда бешта ётоқхона, бешта ҳаммом, бассейн, спа жойлашган. Уйнинг бир қисми Гардинер кўрфазига қараган. Ижара ҳаққи бир кеча учун 5555 долларни ташкил қилади.
Изоҳ (0)