Россия Соғлиқни сақлаш вазирлиги янги хавфлар туфайли ибупрофен ишлаб чиқарувчиларига препаратни қўллаш бўйича кўрсатмаларга ўзгартириш киритишни тавсия қилди. Бу ҳақда “Коммерсант” хабар берди.
Мутахассисларга кўра, препаратдан ножўя реакциялар камдан-кам ҳолларда учраса-да, хавфлидир, шунинг учун бундай дори-дармонларни эҳтиёткорлик билан қабул қилиш лозим. Вазирлик препарат жиддий тери реакцияларини ривожлантириши мумкинлигини айтмоқда.
Гап эритема мултиформаси, эксфолиатив дерматит, Стивенс-Жонсон синдроми, токсик эпидермал некролиз, ДРЕСС синдроми, Коунис синдроми ва ўткир умумий экзантематоз пустулоз ривожланиши эҳтимоли ҳақида кетмоқда.
Шу сабабли ибупрофен ишлаб чиқарувчилардан дори кўрсатмаларга бу борада маълумотлар киритиш, уни “Ножўя реакциялар“ ёки “Эҳтимолий ножўя реакциялар” бўлимида ёзиш тавсия этилган.
Ибупрофен — стероид бўлмаган яллиғланишга қарши дори. У турли хил оғриқлар, ҳароратни пасайтириш, бўғимлар ва умуртқа поғонасининг яллиғланиш касалликлари учун ишлатилади.
Изоҳ (0)