АҚШ Украинага ATACMS тактик баллистик ракеталарини яширинча етказиб берди. Бу ҳақда Reuters агентлиги Вашингтон ма`мурияти вакилига таяниб хабар берди.
Унинг сўзларига кўра, охирги ҳафталарда етказиб бериш яширин тарзда амалга оширилган. Айтилишича, Украина 17 апрель куни эрта тонгда Россия нишонига қарши биринчи марта ATACMS ракетасини қўллаган.
Ракеталар 12 март куни АҚШ президенти Жо Байден томонидан тасдиқланган Украинага 300 миллион долларлик ҳарбий ёрдам пакетига киритилган. Агентлик суҳбатдоши Киевга аниқ қанча ракета юборилганига аниқлик киритмади.
300 км гача отиш масофасига эга бўлган ATACMS ракетасини етказиш масаласи Байден маъмуриятида бир неча ой давомида муҳокама қилинди, деб таъкидлайди Reuters. Пентагон дастлаб бундай масофадаги ракеталарни юборишга қарши чиқди, чунки бу АҚШ Қуролли кучларининг жанговар тайёргарлигига салбий таъсир қилади, деб ҳисобланган.
Изоҳ (0)