Исроил мудофаа вазири Йоав Галлант Ливан жанубидаги “Ҳизбуллоҳ” қўмондонларининг ярми Исроил ҳарбийлари томонидан йўқ қилинганини айтди. Бу ҳақда The Times of Israel нашри ёзмоқда.
“Ливан жанубидаги “Ҳизбуллоҳ” қўмондонларининг ярми йўқ қилинди... қолган ярми эса Исроил армияси операциялари натижасида Ливан жанубида яширинган ёки қочиб кетмоқда”, — деди Галлант.
Унинг сўзларига кўра, Исроилнинг асосий мақсади “Ҳизбуллоҳ”нинг ҳар кунги ҳужумлари остида ўн минглаб кўчирилган исроилликларни уйларига қайтаришдир.
“Биз бу масалани ҳал қилишнинг бир қанча муқобил вариантларини кўриб чиқмоқдамиз ва келгуси давр ҳал қилувчи бўлади”, — деди у.
Аввалроқ Исроил мудофаа вазири америкалик ҳамкасби Ллойд Остин билан телефон суҳбатида яҳудий давлати расмийларининг Эрон ҳужумига жавоб беришдан бошқа чораси йўқлигини маълум қилганди.
Шунингдек, у Исроил Суриядаги нишонларга ҳар сафар зарба берганида Эрон тўғридан тўғри ҳужум билан жавоб қайтарадиган вазиятга рози эмаслигини таъкидлаган.
Изоҳ (0)