Хоразм вилояти Фавқулодда вазиятлар бошқармаси Тупроққалъа туманида содир бўлган ёнғин юзасидан маълумот берди.
Қайд этилишича, 21 апрель куни соат 16:10 да Тупроққалъа тумани “Муҳаббат” МФЙ ҳудудида жойлашган “Обод Попер” МЧЖга қарашли қоғоз ва картон ишлаб чиқариш цехи ҳудудининг тахминан 300 квадрат метр майдонида қоғоз чиқиндилари ва 100 килограмм мазут маҳсулотлари ёнган.
Ёнғин ёнғин-қутқарувчилар томонидан соат 17:42 да тўлиқ бартараф қилинган. Ёнғиннинг юзага келиш сабаби ҳамда кўрилган зарар аниқланмоқда. Ёнғинни ўчиришга 6 та ёнғин-қутқарув экипажлари жалб қилинган.
Мазкур содир бўлган ёнғин натижасида тан жароҳати олганлар ва ҳалок бўлганлар йўқ.
Февраль охирларида Тошкентда мебел ишлаб чиқариш цехида ёнғин чиққани ва уни ўчиришга 20 та экипаж жалб этилгани тўғрисида хабар берилганди. Апрель бошларида эса Сергели туманида қурилиш чиқиндилари ёниб кетганди.
Изоҳ (0)