Тошкент шаҳри, Мирзо Улуғбек туманида яшовчи 45 ёшли (аёл) С.А. ички ишлар органларига мурожаат қилиб, банк картасидан 50 млн сўм миқдоридаги пул маблағлари номаълум шахс томонидан ўзлаштирилганлигини маълум қилган. Бу ҳақда Киберхавфсизлик маркази матбуот хизмати хабар берди.
Маълум қилинишича, ўтказилган тезкор-қидирув тадбирлари натижасида, мазкур жиноятни Қорақалпоғистон Республикасида туғилган, Нукус шаҳрида яшовчи 32 ёшли У.Н. содир этганлиги аниқланган.
Гумонланувчи сифатида тергов органларига жалб этилган У.Н. интернет фойдаланувчиларига Telegram орқали турли хил мазмунидаги хабарни (ҳавола) жўнатиб, уларни қизиқтириб, банк карта маълумотларини қўлга киритиш орқали банк карталарида сақланган пулларни ўғирлаб, қинғир йўллар билан бойлик орттириб келаётганлиги маълум бўлди.
Мазкур ҳолат юзасидан ЖКнинг 169-моддаси (ўғирлик) 3-қисми билан жиноят иши қўзғатилиб, У.Н.нинг содир этилиб, фош этилмай қолган бошқа шу турдаги жиноятларга алоқадорлигини текшириш мақсадида тергов, тезкор-қидирув ҳаракатлари давом эттирилмоқда.
Изоҳ (0)