Ироқ Халқ сафарбарлик кучлари (ХСК) Бағдоддан тахминан 50 километр жанубда жойлашган Калсо ҳарбий базасидаги қўмондонлик пунктида 19 апрель куни кечки пайт ҳаво ҳужуми натижасида кучли портлаш содир бўлганини маълум қилди, дея Reuters хабар берди.
Сўнгги ҳисоботларга кўра, бир нафар ХСК жангчиси ҳалок бўлган ва олти нафари яраланган.
Портлаш моддий зарар ва жароҳатларга сабаб бўлди, — дейилади ХСК баёнотида ва тергов олиб борилаётгани айтилган.
Ҳаво ҳужуми учун ким жавобгар эканлиги аниқ эмас. АҚШ расмийси Америка Ироқда ҳарбий фаолият амалга оширмаганини айтган.
ХСК қуролли гуруҳлар сифатида фаолият бошлаган, кейинчалик Ироқ расмийлари томонидан расмий хавфсизлик кучлари сифатида тан олинган.
ХСК таркибидаги гуруҳлар Исроилнинг Ғазо секторидаги кампанияси фонида бир неча ой давомида Ироқдаги АҚШ кучларига ракета ва дрон ҳужумларида қатнашган, аммо февраль ойининг бошидан бери ҳужумларни тўхтатган.
Изоҳ (0)