Қирғизистон президенти Садир Жапаров мулкининг қиймати 20 миллион долларни ташкил этади. Бу ҳақда унинг ўзи ижтимоий тармоқларда маълум қилди.
Жапаровнинг сўзларига кўра, у ушбу мулкни қонунийлаштириш учун давлатга 1 миллион қирғиз соми тўлаган.
"Менинг хорижда жамғармаларим йўқ, агар бўлса ҳам, уларни банкларимизга қўйган бўлардим. Мен намуна бўлмоқчи бўлдим ва биринчи бўлиб ўз мулкимни қонунийлаштирдим”, - деди президент.
Шунингдек, у Бишкекда биноси борлигини ҳам маълум қилди.
“Биз бу бинони 2005 йилда қура бошлаганмиз ва 2010 йилда тугатганмиз.Апрель инқилобидан кейин у “Ата-Журт” партиясининг штаб-квартираси сифатида фойдаланилган.Мухолифатда бўлганимиз учун таъқибга учраганимизга қарамай, ер ва бино учун мунтазам равишда солиқ тўлаганмиз.
2020 йилда президентлик сайловларида бинодан штаб сифатида фойдаланганман. Ўшандан бери у тўлиқ ишга тушди. Албатта, авваллари биноларим бошқа шахслар номига расмийлаштирилган бўлса, энди уларни ўз номимга қонунийлаштириш тўғрисидаги қонун асосида расмийлаштирдим”, - деди Жапаров.
У бой фуқароларни ўз мулкларини қонунийлаштириш имкониятидан фойдаланишга чақирди.
Изоҳ (0)