Украина мудофаа вазири Рустем Умеров 2021 ва 2022 йиллардаги даромадлари ва мулки тўғрисидаги декларацияларни эълон қилди. Бу ҳақда “Интерфакс Украина”га таяниб, “Корреспондент” хабар берди.
Умеровнинг даромади 2022 йили 4 миллион 560 минг 529 гривнани (123 минг 532 доллар), бир йил аввал эса деярли 3,5 миллион гривнани (94 805 доллар) ташкил этган. 2021 йилда Умеровнинг маоши 491 714 гривнани (13 минг 319 доллар), қимматли қоғозлар ва корпоратив ҳуқуқларни бошқа шахсларга ўтказишдан олинган даромад 2 991 000 гривнани (81 минг 018 доллар), рафиқасининг даромади эса 3 284 948 гривнани (88 минг 980 доллар) ташкил қилган.
2022 йилда мудофаа вазири маоши 433 453 гривна (11 минг 741 доллар) қимматли қоғозлар ва корпоратив ҳуқуқларни бегоналаштиришдан олинган даромад 4 125 800 гривнани (111 минг 757 доллар) ташкил этган, рафиқаси эса 1 704 568 гривна (46 минг 172 доллар) даромадини декларация қилган.
Декларацияга кўра, вазир Киевда (80,6 квадрат метр) квартирани ижарага олади, Киевдаги 95 квадрат метр квартира рўйхатга олинган, онаси Қримнинг Бахчисарой шаҳрида (196,7 квадрат метр) уйга эгалик қилади ва хотини АҚШда (137,4 квадрат метр) квартирани ижарага олади.
Умеров шунингдек, 2014 йилда ишлаб чиқарилган Hyundai Elantra ва 2016 йилда ишлаб чиқарилган Ford Explorer’дан фойдаланади.
Изоҳ (0)