Ўзбекистонда йил бошидан буён 2,5 мингдан зиёд қалбакилаштирилган дорилар аниқланди

Тиббиёт амалиётида қўллаш мумкин бўлмаган фармацевтика маҳсулотлари аниқланди, деб хабар бермоқда Фармацевтика маҳсулотлари хавфсизлиги маркази. 

Таъкидланишича, мамлакатда сифатсиз, қалбакилаштирилган, Ўзбекистонда рўйхатдан ўтказилмаган дори воситалари ва тиббий буюмлар, шунингдек, Ўзбекистонда рўйхатдан ўтказилган дори воситаларининг ғайриқонуний нусхалари айланмасига қарши курашиш мақсадида тегишли органлар билан ҳамкорликда тезкор тадбирлар ўтказиб келинмоқда.

Жумладан, жорий йил 1-чорак давомида ҳуқуқни муҳофаза қилиш органлари томонидан ана шундай тадбирларда олинган фармацевтика маҳсулотларини экпертизадан ўтказиш бўйича Фармацевтика маҳсулотлари хавфсизлиги марказига 512 та мурожаат келиб тушди. 

Тақдим қилинган дори воситалари ва тиббий буюмлар ўрнатилган тартибда лаборатория текширувидан ўтказилганда, таҳлиллар натижаларига кўра, ноқонуний муомалада бўлган:

• 5958 ўрам — давлат рўйхатидан ўтган ва мувофиқлик сертификати мавжуд;
• 17925 ўрам — давлат рўйхатидан ўтмаган ва мувофиқлик сертификати мавжуд бўлмаган;
• 557 ўрам — ёрлиқлаш кўрсаткичи бўйича номувофиқ (контрафакт);
• 1549 ўрам — яроқлилик муддати тугаган (сифатсиз);
• 2524 ўрам — қалбакилаштирилган,

умумий 52396 ўрам фармацевтика маҳсулотларининг тиббиёт амалиётида қўллаш мумкин эмаслиги юзасидан хулоса берилди. Ҳамда ушбу сифатсиз, қалбакилаштирилган ва Ўзбекистон Республикасига ноқонуний кириб келган фармацевтика маҳсулотлари айланмасининг олди олинди.