Италиялик таниқли моделер Роберто Кавалли вафот этди

Италиялик машҳур моделер Роберто Кавалли 83 ёшида вафот этди. Бу ҳақда тегишли манбаларга таяниб, BBC хабар берди.

Италиянинг ANSA ахборот агентлигининг хабар беришича, у узоқ давом этган касалликдан сўнг Флоренсияда уйида вафот этган.

Кавалли 1940 йил 15 ноябрда Флоренсияда туғилган. У чарм ишлаб чиқариш “саноати” билан билан машҳур эди. Роберто 1970 йилларда ўз компаниясига асос солган бўлиб, Брижит Бардо, Софи Лорен, Ким Кардашян ва Женнифер Лопез каби юлдузлар учун обаразлар яратган.

1970 йилда ўзининг мода брендини ишга туширгандан сўнг, у тез орада инновацион жараён, терига нақш туширишни ихтиро қилиб, патентлаган. Кавалли 1972 йилда Франциянинг Сен-Тропе шаҳрида ўзининг “Лимбо” номли биринчи кичик дўконини очган.

2005 йилда моделер Playboy Bunnies’нинг минималистик формасини янгилашга таклиф қилинган ва ҳатто леопард тасвирида версияни тақдим этган.

Кавалли 2011 йилда Vogue журналига берган интервьюсида уни ўз дизайнларида бундай тасвирлардан фойдаланишга нима илҳомлантиргани ҳақида сўрашганида: “Менга табиат томонидан яратилган ҳамма нарса ёқади”, дея жавоб берган.

Armani асосчиси Жоржи Армани бошқалар қатори марҳум дизайнер ўлими юзасидан ҳамдардлик билдириб, унинг “Тоскана илҳоми”ни жуда соғинишини айтган.

Роберто ҳақиқий рассом эди, босма нашрлардан эркин фойдаланар эди, хаёлотни жозибали кийимга айлантира олар эди..., — дея таъкидлаган ижтимоий тармоқларда эълон қилинган баёнотда Армани.