Тожикистон ташқи ишлар вазири ўтган ойда Москва вилоятидаги концерт залида содир этилган қонли ҳужумни содир этишда гумон қилинган тўрт кишининг қийноққа солинганини қоралаб чиқди. Бу ҳақда The Moscow Times нашри хабар берди.
“Террорда гумон қилинаётган шахсларни қийноққа солиш, уларга нисбатан тан жароҳати етказиш ҳолатларини асло қабул қилиш мумкин эмас”, — деган ташқи ишлар вазири Сирожиддин Муҳриддин ўз баёнотида.
22 март куни 145 кишининг ўлими ва яна юзлаб одамларнинг яраланишига сабаб бўлган Crocus City Hall’га ҳужумдан сўнг, гумон қилинган шахсларнинг қийноққа солингани ҳақидаги хабарлар тарқалган эди. Судда кўриниб турган жароҳатлар, кўкаришлар ва бошқа жароҳатлар бунга асос бўлган эди.
Кремль отишма содир этганликда гумон қилинганларнинг қийноққа солингани ҳақида изоҳ беришдан бош тортган. Россия ҳукумати томонидан тайинланган инсон ҳуқуқлари бўйича комиссар эса ижтимоий тармоқларда тарқалган хабарларга муносабат билдириб, қийноқлар қўлланилиши “мутлақо йўл қўйиб бўлмас” эканлигини айтган.
Россия конституциясига кўра қийноқлар ноқонуний деб ҳисобланади. Россия ҳам БМТнинг қийноқларга қарши конвенциясининг бир қисми сифатида унга амал қилади.
Россия давлат телевидениеси жорий ҳафтада сўроқ видеоларини эълон қилди. Унда террорчиликда гумон қилинган тўрт кишига Украинага хавфсиз ўтишлари ва у ерда ҳужум учун молиявий мукофот олишлари ваъда қилингани айтилган.
Изоҳ (0)