Тошкентда учта автомобиль иштирокида ЙТҲ содир бўлди. Бу ҳақда Тошкент шаҳар ИИББ Йўл ҳаракати хавфсизлиги бошқармаси ахборот хизмати хабар берди.
Ҳодиса бугун, 11 апрель куни, соат 21:50 ларда Янгиҳаёт тумани, Қўрғонтепа 1-тор кўчасида Bestune, Cobalt ва Damas автомашиналари иштирокида содир бўлган.
ЙТҲ оқибатида 3 нафар ҳайдовчига тез тиббий ёрдам ходимлари томонидан биринчи ёрдам кўрсатилиб, шифохонага олиб кетилган.
Ҳолат юзасидан Тошкент шаҳар ИИББ Йўл ҳаракати хавфсизлиги бошқармаси масъул ходимлари суриштирув олиб бормоқда.
Изоҳ (0)