Тошкентнинг Чилонзор туманидан оқиб ўтувчи Бўрижар каналида 3 киши чўкиб кетди. Бу ҳақда RTV каналида хабар берилди.
Дастлабки тахмин ва гувоҳларнинг сўзларига кўра, 10 апрель куни 5 ёшли бола Бўрижар канали атрофида ўйнаб юриб, эҳтиётсизлик оқибатида каналга тушиб кетади. Бу ҳолни кўрган она болани қутқариш мақсадида сувга тушади ва оқимнинг тезлиги ҳамда каналнинг чуқурлиги сабаб бола билан бирга оқиб кетади.
Бундан ташқари, она ва болани қутқариш учун сувга тушган яна бир шахс ҳам чўкиб кетган.
Она ва боланинг жасади сувдан чиқариб олинган. Ҳозирда яна бир фуқаронинг жасадини қидириш ишлари олиб борилмоқда. Қидирилаётган фуқаронинг оила аъзолари ва яқинлари ҳақида маълумот йўқ.
Изоҳ (0)